Əlcəzairdə 24-cü Milli Quran Həftəsi başlayıb
"İQNA", Əlcəzairin dövlət xəbər agentliyinə istinadən xəbər verir ki, Bu münasibətlə Əlcəzairin Dini İşlər və Vəqflər Naziri Yusif Belmahdi bu ölkənin Bəni Abbas əyalətinin “Kərzar” rayonundakı Şeyx Əhməd ibn İsa Quran Məktəbinə səfər edib. O, bu səfər zamanı Quran məktəblərinin Qurani-Kərimin uşaqlara tədrisi və hifzi sahəsində və İslam mədəniyyətinin qorunmasındakı mühüm rolunu vurğulayıb.
O, Şeyx Əhməd məktəbində 300-dən çox şagirdin təhsil almasına toxunaraq deyib: "Quran məktəblərinin yaradılması və genişləndirilməsinin məqsədlərindən biri də milli və yerli səviyyədə uşaqları Qurani-Kərimi əzbərləməyə təşviq etməkdir. Elə ki, Əlcəzair ailələrində Allahın kitabını qorumaq mədəniyyətinin yayılmasına kömək etsin".
Əlcəzairin müstəqilliyinin 60-cı ildönümü və "Əlcəzairdə Milli Mühacirət Günü" (17 oktyabr 1961-ci il hadisələri və Parisdə əlcəzairli mühacir nümayişçilərinin qanlı qırğınının xatirəsi) münasibətilə Əlcəzairdə bu Milli Qurani-Kərim Həftəsi “Qurani-Kərimdə hicrət, vətənə, iş və imana vəfadarlıq” şüarı ilə keçirilib.
4092873
