قرښته څوک ده ؟
فرښتې یو غیبی موحود دی چې په سترګو سره نشي لیدل کیدلی . حبرائيل، میکائيل،اسرافیل او عزرائيل څلورالهی مقربې فرښتې دی چې په قرآن کې ئې ذکر شوی دی .پر دې سربیره ، هاروت او ماروت اونکیر او منکر نوره فرښتې دي چې نامې ئې په قرآن کې راغلی دي.
قرآن کریم د فرښتو لپاره ځيني ځانګړنې ګڼلي دي، چې ستاسو خدمت ئې ته وړاندې کوو.
- د خداي تعالی فرمان ته ئې سر کیښودلی او هیڅکله هم ګناه نه کوي. لا يَسْبِقُونَهُ بِالْقَوْلِ وَ هُمْ بِأَمْرِهِ يَعْمَلُونَ» ؛ په خبرو کولو کې له خداوندمتعاله مخکې نه ځي او د هغه په فرمان کار کوي (انبياء/ 27).
- د خدای تعالی له خوا ډول ډول او ډیر مهمې دندې لري، ځيني په عرش کې اوسیږي (حاقه/ 17)؛ یوه ډله هم د کارونو تدبیر کونکي دي . (نازعات/ 5)؛یوه ډله هم د انسانانو ژوند اخلی، (اعراف/ 37)؛یوه ډله هم د انسانانو د عملو خیال ساتي (سوره انفطار/ 10 تا 13)؛ یوه ډله هم له بيښو څخه د انسان د ساتلو دنده په غاړه لري . (انعام/ 61)؛ یوه ډله هم د سرکشو قومونو په عذاب ماموره ده (هود/ 77)؛ یوه ډله فرښتې هم په جنګونو کې له مومنانو سره الهی مرستندویه دي . (احزاب/ 9) او بلاخره یوه ډله هم د نبیانو لپاره دآسماني کتابونو راوړونکي دي (النحل/ 2).
- په دوامدار ډول د خدوند متعال تسبیح کوي وَ الْمَلائِكَةُ يُسَبِّحُونَ بِحَمْدِ رَبِّهِمْ وَ يَسْتَغْفِرُونَ لِمَنْ فِي الْأَرْضِ»؛
؛ فرښتې د خپل پروردګار حمد اوثناء کوي او د هغو انسانانو لپاره چې پر مځکه دي ،استغفار کوي (الشوری/5).
4 کله هم دانسان په شکل څرګندیږی او پر نبیانو او حتی په غیر نبیانو ظاهریږي.لکه څنګه یوهلویه لویه الهي فرښته دانسان په شکل پر مریم ظاهره شوه ؛ فَأَرْسَلْنا إِلَيْها رُوحَنا فَتَمَثَّلَ لَها بَشَراً سَوِيًّا» او مونږ خپل روح د هغوي وآخوا ته ولیږه چې دهغه په وړاندې د یوه بشپړ انسان په شکل څرکند شو (مريم/ 17).
5 مختلف مقامات او مرتبې لري، یعني ځیني همیشه په رکوع حالت کې دي او ځّيني تل په سجدې کې دي ما مِنَّا إِلَّا لَهُ مَقامٌ مَعْلُومٌ وَ إِنَّا لَنَحْنُ الصَّافُّونَ وَ إِنَّا لَنَحْنُ الْمُسَبِّحُونَ» او مونږهره یوه فرښته معلوم مقام او ځائيګی لرو، مونږ تل په صفونو کې د فرمان په انتظار کې يوو او په دومدار ډول د هغه تسبیح کوو. (صافات/ 164- 166).
په کلی توګه د قرآن کریم ډیر آیتونه د فرښتو د ماموریّتونو او صفتونو په باب خبرې کوي. حتی قرآن پاک په یوه آیت کې ؛آمَنَ الرَّسُولُ بِما أُنْزِلَ إِلَيْهِ مِنْ رَبِّهِ وَ الْمُؤْمِنُونَ كُلٌّ آمَنَ بِاللَّهِ وَ مَلائِكَتِهِ وَ كُتُبِهِ وَ رُسُلِهِ»
؛ د اسلام پیغمبرهغه څه چې د هغه د پروردګار له خوا پر هغه نازل شوي ،ایمان راوړی، او مومنان هم په خدای ،د هغه په ټولو فرښتو او کتابونو او رسولانو ایمان لري. (البقره/ 285) په ملایکو ایمان راولړ په خدای او نبیانو او آسماني کتابونو د ایمان په لیه کې راغلي دي .فرښتې هم د جناو شیطان په شان په ظاهري سترګو سره د لیدو وړ نه دي ،البته په پاکو زړونو سره ورسره ارتباط ټينګیدلی شي.
( دغه مطلب له تفسیر نمونه ،جلد 18 او 173 صفحې آخستل شوی دی )
