An Maimaita wulakanta Kur'ani a kasar Sweden
Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na cibiyar yada labarai ta kasar Sweden cewa wata mace ‘yar kasar Sweden limamin cocin Jade Sandberg ta kona kur’ani mai tsarki a gundumar Skarholmen da ke birnin Stockholm, inda tuni aka yi ta tozarta kur’ani a wannan yanki.
Bayan wannan dauki ba dadi, mutane da dama daga birnin Stockholm sun taru domin nuna adawa da kona kur'ani a yankin tare da rera taken nuna adawa da kona kur'ani da nuna kyama ga masu goyon bayan wariyar launin fata.
Ta ce: Tun da na yi imani da Yesu Kiristi kuma na dauki Kiristanci da Littafi Mai-Tsarki a matsayin jagora na, na yi imani cewa ya kamata a aiwatar da Littafi Mai-Tsarki da Kiristanci a Sweden, kasashen arewaci da Turai. Musulunci, da masallatai, da duk wadanda ke cikin wannan addini ba su da wurin zama a Sweden.
Kafin kona kur’ani a ranar Juma’a, daraktan daya daga cikin makarantu a yankin Sharholmen ya rubutawa iyayen daliban takardar neman su nisantar da ‘ya’yansu daga zanga-zangar. Har ila yau, an hana halartar dalibai a wajen gidan kuma an soke duk wasu ayyuka don hana halartar yara da ma'aikata a kusa da wannan zanga-zangar.
